الكوتش ساره | ناڤ
مدربة شخصية معتمدة، أدرب من 2017. أساعدك تبني روتين تدريب وتغذية واضح يناسب هدفك ووقتك ومستواك، مع متابعة أسبوعية تساعدك توصل لهدفك.
صرت الشخص اللي كنت أحتاجه
قبل ما أصير مدربة، كنت متدربة تعبت من التجارب. اشتركت مع مدربات أجانب، وما لقيت أحد يشرح لي التمرين صح أو يهتم بأهدافي.
لين اشتركت مع الكوتش سحر الحارثي غيّرت نظرتي للتمرين، وحفّزتني أصير كوتش، وإلى اليوم أشكرها على كل اللي علمتني إياه. من هنا قررت أكون الشخص اللي احتجته أنا.
والرياضة جزء لا يتجزأ مني: لعبت كرة السلة وكنت كابتن فريق السلة في جامعة الإمام عبدالرحمن بن فيصل، ولعبت باحتراف في الرياضات الإلكترونية. بدأت التدريب في 2017 مع كرة السلة، واشتغلت مساعد مدرب في نادي الجامعة، وبعدها دربت في بيور جم وجمنيشن وفتنس لاونج والان في نوادي خاصة.
وش يميز التدريب معي؟
جدولك مشروح بالفيديو
ما أرسل لك جدول وأتركك. أراجعه معك بمقطع فيديو أشرح فيه كل شي، عشان تبدأ وأنت فاهم وش تسوي وليش.
بدون حرمان
ما أمشي على أنظمة الحرمان أبداً. خطتك تناسب حياتك، مو قائمة ممنوعات.
متابعة جادة وخطة واقعية
أتابعك كل أسبوع وأهتم بالتزامك، وأعدّل خطتك حسب تقدمك وظروفك.
أعلّمك، مو بس أدربك
حب تعليم الناس معي من الصغر. اللي أعرفه ما أبخل فيه، علمياً ونفسياً، وما أوقف عن البحث والتعلم عشان أتطور وأطورك معي.
أكثر شخص أفرق معه
اللي يؤمن إن التمرين أسلوب حياة، مو تمرين لشكل مؤقت أو لفترة الصيف بس.
وإذا ما التزمت؟ أحاول أفهم أسبابك، وأساعدك تعالجها بقدر ما أقدر. وإذا كان الموضوع أكبر من اللي أقدر أقدمه، أقول لك بصراحة وأعتذر عن تدريبك.
للاعبي الألعاب الإلكترونية
لأني جاية من عالم الرياضات الإلكترونية، صممت باقة خاصة للقيمرز: لياقة أفضل داخل وخارج الشاشة، والتعامل مع آلام الظهر والمفاصل من الجلوس الطويل.
للحوامل
تدريب الحوامل عندي حضوري فقط. أونلاين يصعب أتأكد إن التمرين يتنفذ بإتقان، والحمل فترة مهمة جداً تحتاج هالتأكد. أونلاين أقدم للحوامل متابعة التغذية فقط.
شهاداتي وخبرتي
- Saudi Reps — Level 4
- NCSF
- Menno Henselmans CPT
- Functional Mobility
- Pre & Postnatal Training
- Prenatal Fitness Training — Aspire Academy
- ماجستير تدريب رياضي — جامعة ستيرلنق
- أدرب من 2017، والبداية في كرة السلة.
- مساعد مدرب في نادي الجامعة.
- مدربة في بيور جم، وجمنيشن، وفتنس لاونج، ونوادي خاصة.